家中發生什麼事,今晚特別熱鬧.....首先就係星爺上黎同老豆係到傾工作上的事宜,之後就是媽子同佢d雀友係到打麻雀,再加上細路的女友上了來..變了十分之有人氣,想靜一點也不可以!

今日同細路落左街打波..打到有點抽筋,老啦,變了老人家!

今日既工作就係畫左幾幅圖咁大把,之後就hea左成日啦!

最重要今日發現左咩叫hea工,有d同事就返半晝放半晝,亦有遲到個零鐘,早放2個鐘既同事,心裡即刻有d問號出晒黎,比我想像的工作完全係另一樣野啦,不過我都係諗返左幾日ja,遲d就有野做架啦.....但求有點東西做,不過就唔好太忙!唉....真可慘,揀左個成個team得我部電腦裝唔到msn既位坐.為有聽下歌仔,上下網過日晨!

今日出site睇....第一次乜都唔知,同事只係同我跟hea下就得架啦,10鐘先施施然離開公司,之後第一個地方就係被車到去食早餐,吃完去借key等等都11點了!
之後到過長沙灣,九龍灣,藍田,秀茂坪,將軍澳,終於知道咩係游黎游去,3點半搞掂晒d野就放工....有點離譜!不過也不錯了..

第一日返工,上晝返到去聽一堆公司簡介,然後buddy帶我遊花園......同新同事一起吃過lunch,下晝更無聊,無野做,坐係到玩電腦,不過msn好似被鎖了,只好係到上下xanga,facebook,無驚無險又到5點半放工!

不過新環境,發現公司返工係唔駛拉咭打咭之類既野,而且更重要的係合約寫返星期一至六,不過d同事同我講返一至五就得,咁我即係駛唔駛返黎,返黎hea都無OT架啦,而且新人做得d咩..哈哈!

^^努力適應人生新的階段了喔,哈哈,還好今天也認識了幾個好傾的同事而已...

哈哈,回來啦！咁就廿幾年啦,退休生活都就快結束,下星期一就有新既生活！唔知自己會唔會唔適應呢....我諗朋友們知道的話,都會有同一句話講,就係..嘩,你終於做野啦...

琴日走左去見工,見完工join左4個fds去左海洋公園玩...雖然有點無聊不過總算玩了一天,十分之疲倦！入面d遊戲設施好似十年不變的一樣,由我8歲時同我阿媽第一次玩過山車,到而家都係一樣,只不過而家坐隔離個個唔會係我阿媽,因為媽子已經唔夠膽再玩！